منتديات سيروان نت
السلام عليكم عزيزي الزائر اذا كنت غير مسجل في المنتدى الرجاء الضغط على تسجيل واذا كنت عضوا في المنتدى الرجاء الضغط على دخول لكي تكون لك الصلاحيات الخاصه بك...وشكرا

منتديات سيروان نت

منتديات سيروان نت لمتعة الحياة في الكومبيوتر و النت

 
الرئيسيةاليوميةس .و .جالتسجيلدخول

۩ اهلاً وســــهلاً بـــكم في منــتداكـــــم نرجوا منكم التسجيل والتواصل معنــا بكل ما ينفعكم **♥️*اضغط تسجيل*♥️** او دخول عن طريق ال face book للتسجيل وشكـــــــــــــراً ۩  


شاطر | 
 

 ابوذيات

اذهب الى الأسفل 
كاتب الموضوعرسالة
hamza
عضو شغله رهيب
عضو شغله رهيب


ذكر عدد الرسائل : 73
العمر : 25
العمل/الترفيه : طالب
المزاج : احمر
البيانات الشخصيه :
0 / 1000 / 100

السٌّمعَة : 0
النقاط : 86782
تاريخ التسجيل : 26/02/2009

مُساهمةموضوع: ابوذيات   السبت فبراير 27, 2010 10:54 am

--------------------------------------------------------------------------------

وانة النورت دربك صار شعلة
اشعلة الكلب رايد ؟؟ صار اشعلة

اقفلة الكلب لاجلك ؟ صار اقفلة
ولباب الكلب حبك صار قفلة
اكوم لحسن عينك صار اقفلة

اصد الشمس عنك ؟ صار اسدها
ولبحيرة كلبي حبك صار سدها
يلبوة حسن كلبي .. صار اسدها

الاسد لو شاف طولك صار حرمة
العمرك عمري اتلفة وصار احرمة
احرم شوف غيرك ؟ صار احرمة

اعلة موتت شوفي اعينك ؟ صار اعينك
ويكلبي بنص ضلامك صار عينك
تريد بروحي اعينك ؟؟ صار اعينك

شعين بية كلبك صار اداري
ويةظلك انة ساكن صار داري
حبيبي بروحي اخدمك صار اداري

حديد الكلب لاجلك صار فضة
العتب وياك اختمة وصار افضة
افضك دمع عيني ؟ صار افضة

ونزل دمعي اعلة خدي وصار جاري
وانة الاجرت كلبك صار اجاري
اجاري عناد روحك؟ صار اجاري

اعلة روحي اتريد اسيرك ؟ صار اسيرك
وكلبي بقفص حبك صار اسيرك
عذابي ايسر جنابك ؟ صار اسرك

حبك حكم كلبي وصار ابوية
وصبغ كل هذا حجيك صار بوية
اسكت ما اعاتب ؟ صار ابوية

عليك اتريد اسلم؟ صار اسلم
ورتقائك كلبي غاية وصار سلم
اسلمة الكلبي بيدك ؟ صار اسلم

تريد بكلبي اقدسك ؟ صار اجلك
واذا انتة الكبر مسك صار جيلك
زحف رايدني اجيلك ؟ صار اجيلك

واجالك زحف كلبي وصار طفلك
وطفي بشفتي نارك صار اطفلك
مقام اتريد ازورك ؟ صار اطفلك

بشعرك طاف كلبي وصار مشرك
ووريدي بحبل شعرك صار مشرك
حرام ادكلي تشرك .. صار مشرك

شركت وهسة حبك صار ديني
وذنب حبك خطيتي وصار ديني
شخصك هسة جاني وصار ديني !!

شوكت تدريني مشرك ؟ صار مدة
وجرحي بدم غيابك صار مدة
بطولك جرحي امدة ؟ صار امدة

جرحي بكبر طولك صار طولة
وتكلي شوية طولة . صار اطولة
اذا انتة النجم رايد ؟ صار اطولة

حبي شعمرة تسال ؟ صار قبلك
وينار بشفتي ابوسك صار اقبلك
يكلشي بكلشي اريدك صار اقبلك

تريد بظلي اشوفك؟ صار اشوفك
وبشمع عشر الاصابع صار شوفك
اكشف كلبي اشوفك ؟ صار اشوفك

خلص كلبي بيدك صار خالي
وانة الخاويت كلبك صار خالي
تغلط وابقة ساكت ؟؟ صار خاللي

شكلك وانتة ابوية وخال الية ........

--------------------------------------------------------------------------------

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسأل عليه

أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًمَرك حزن احسّه بيه


بيك الطيب والزينات وفرات
يمن مايك عذب يازين وفرات
دجلتك وانته خويه صرت وفرات
وبكرمه علي نصبح سويه

مو مرة ولا مرتين مرات
احاچيك وترد زعلان مرات
ضوگني هواك سنين مرات
وهذاك انت العزيز اتظل عليه

طحت ولاحيل بية انهض ولاگوم
ولاخوان وگفولي ولا گوم
ولاني صلح وي دنياي ولا گوم
اراضيهة وترد تزعل علية

جمعلة اچم فلس بيها تراها
أعمه الگلب بس عينه تراها
ثروه بدون طيب وحب تراها
مذله وفگر واجيب الأذيه

نفسك دوم حاسبهه ولمه
تره من ايدك مسرتهه والمهه
حقير الي حرص عالدنيه والمهه
وغني الينفع برزق بلا شجيه

هلا بجيتك ياروح الروح يمنه
يمن وصلك لعند القلب يمنه
انجان تريد دار وتحط يمنا
يادارك بالعيون تصير هيه

گلبي ياوطن حبك والك راد
ومل من كثرة فرا گك والك راد
احب الشيعه والسنه والاكراد
وحبك ياوطن واجب عليه

أياك ثم أياك وياك
من صاحب ضحك بالجذب وياك
يجمع حطب وبالنار يريد وياك
يضحك معاك والعلة خفية

أحب ابلادي ماحبن بلادين
كافر ولنكر دينه بلادين
انه ماامد ايدي بالغربه بلادين
أخاف الغربه تاخذ حتى اديه

متى اهلال السعد بالعز يهلنه
وزمان الشوم بالغربه ياهلنه
والله لمن اذكركم يـــــهلنه
تشب وتنطفي النيران بيه

واتمنى ان ينال اعجابكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابوذيات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيروان نت  :: منتديات سيروان نت العامه :: قسم الشعر و القصيد العراقي وابوذيات-
انتقل الى: