دارميات على جميع محافظات العراق

رغم الجرى والصار نبقى اهل الامجاد



وتبقى وتظل والله تاج النه بغداد




حلوة وجمال البيج ما منه جاره


وبالطيبه يا هل ناس تاج العماره



طيبه وجمال البيج ما خله حصره



وصدكوني هذه البيت تفصاله بصره




يفتخر شعبج بيج من صرتي يلكوت


جي زلمج بلا خوف تركض على الموت





النجف يهل الدين شمس وي الاسلام



جي بيهه ابو الحسنين سهرانه متنام





كربله وبيهه حسين تحسدهه هالناس


والخوه بيها وسام والمثل عباس




بالناصريه ابداع فن وحظاره



بيها الكرم عنوان ما طفت ناره





يا معشر الطيبين يهل السماوة


وبيهه البشر اطياف بالحك تساوة



للديوانيه اريد اليوم اشرح وضعهه



نسر ونزل عاكاع منهو اليرفعه





بدهوك اريد اليوم اكعد وسامر


جي اهلج الطيبين للوطن ساتر



جنة واجت عل الكاع صدكوني اربيل



وبيهه الكرم انواع وبكيفك تشيل




كركوك الج بالعين صدكيني دمعه


والوطن بيه شموع وانتي احلى شمعه




تكريت الج بالروح صدكي المعزه



مو طاهر الي راد اسمج يجزه




سليماني طب بالروح عاشرته يومين


شايل كرامه وجود تترسلي بيتين




روحي شتهت وتريد بس للرمادي



حزنانه بيها تريد تنزع سوادي



يا حله يم الخير يا شجرة الجود



بيج الحلا عنوان تشهدلج شهود






لديالى يهل الشوك بس ليهه خنروح


بيهه الخظار هواي ويرجع الروح





يلموصل الحدباء يم المحنه


بيج العشك عنوان ونتي احلى منه