لا تسالني يومك يخلص شلون

حبيبي اتنطّرك واحسبلك ايام
يوم يجرله يوم ويكَضي الاسبوع

واطشهن واهلية بأحلى دمعات
وارسملك صورهن وي الدموع

يم طيوف شخصك تغمض العين
واشوفنك حلم بعيوني مطبوع

واشبكَ على احضانك واغفة وارتاح
واضم راسي على صدرك بين الظلوع

صواني العيد حبك والفرح ياس
واحلامي ابمحبتك تشعل شموع

اشم عطرك حبيبي وتشهكَ الروح
وأحسـنّك جذر بكَليبي مزروع

ياموضوع احبك واشتهي الكاك
شكثر شايل حنان وصرت موضوع

انه كلبي طفل مايعرف فراك
فـزّ وما لكـــَاك وصـاح مفـزوع

صدك ترجع حبيبي ويفرح البيت
واطش جكليت حبك بين الفروع

يمتة ترد تعـــال وبســـّك اغيــاب
حبيبي بغيبتك جن كلبي مصدوع

شمعاتك تتاني وبلجن اتعود
افترسهن ليل هجرك خلصن موع

بجن روحي ومهجتي وشمعك وياي
مثل بجيي اليتيم وكاتله الجوع

يابخت الينام وكلبه مرتاح
عمر خلصته انام ابكلب موجوع

لاتسألني: يومك يخلص شلون؟
هيج يخلصن ايام الاسبوع

تسلم حلووووووووووووووو عاشت الايادي ان شاء الله تقدم اكثر واكثر

تلسم مشكور عشت ننتظر جديد ابداعاتك

عاشت ايديك والله حلو ويا ريت تتواصل بهيجي اشعار

» حرت شلون اوصفك يا حلو العيون