دنيه الفكَدت العباس . . . شتفيد؟
ومن جفه ارتوت دنيانه وسفه
بدمعاته النهر قبل الجفين
من شافه نذر لحسين جفه
وصاح الجرف نفسه الجوه عباس
أكبر شرف ليه . . . دوسته وعفه
عباس انرفع اعله من النجوم
بـلا جـنـحـان . . . ربـك رفـع جـفـه
بس معروف ليش تضحي يا عباس
و وعدك جنه انته وحقك تعرفه
سفينه الدنيه بحرك صاير ذنوب
وربانها حسين. . . . . وعباسها الدفه
عباس انعرف بالوكَفه بالشدات
انعرف مثل الضوه من يسرع بوكَفه
وما راد العيون تصبله كوم دموع
راد اتبع جده واوكَف بصفه
عباس انطلق عالكَوم جن زلزال
ياهو أقوه من عنده وياهو الي يوكَفه؟
وصح قاتل بقوه و هوه هالكَال
هذا اَنه طلعت . . . مو اَنه الأتخفه
بس كل هذا خاف يروح الاسلام
وخاف أِعداه من جده تتشفه